كيف تحصل على أول عميل في اللفريلانس؟
الخطوة الاولى : حط نفسك مكان العميل
أول خطوة لازم تعملها هي إنك تتخيل نفسك مكان العميل،
وتفكر: “ياترى إيه الإمكانيات اللي عاوزها تكون متوفرة في شخص ما
تخليك تختاره من غير تردد عشان يشتغل معاك؟؟”
بلا شك هتكون إجابتك هي: التخصص والخبرة.
التخصص:
بإنك يكون عندك المهارات الأساسية اللي تخليك تشتغل بكفاءة،
ودي ممكن تكتسبها من خلال الكورسات والدورات التدريبية في مجالك.
الخبرة:
ودي بتتمثل في وجود أعمال سابقة ليك تبين مدى خبرتك.
ولكن، ازاي هيكون عندي أعمال سابقة
وأنا لسة بدور على أول عميل، ومشتغلتش قبل كدا؟!
دا يخلينا نروح للخطوة التانية…
الخطوة الثانية : التطوع
هو المفتاح الذهبي للخبرة
التطوع والعمل المجاني في بداية شغلك كفريلانسر
مش بس هيساعدك في بناء قائمة من الأعمال السابقة،
ولكنه كمان هيزود خبرتك ويقوي مهاراتك في الشغل.
تقدر تتطوع للشغل في منصات العمل المجانية والمنظمات غير الربحية
المتخصصة في مجالك سواء على الإنترنت أو في محيطك.
الخطوة الثالثة : شبكة العلاقات
هي الطريق المختصر للحصول على عميل
واحدة من مميزات التطوع إنك تقدر تبني شبكة علاقات قوية
مع ناس كتير يشهدوا لك بمدى كفاءتك وتفانيك في العمل؛
وبالتالي يرشحوك للشغل مع عملاء تانيين بمقابل مادي.
الرابعة : زود مهاراتك وخليك متعدد المهام
قدرتك على إنجاز مهام عديدة وبكفاءة عالية
بيديلك ميزة تنافسية كبيرة عن باقي الفريلانسرز.
على سبيل المثال، إنك تكون بتشتغل كاتب محتوى، ومسوق إلكتروني،
ومدقق لغوي، ومترجم… كل دا هيخلي العميل يفضل الشغل معاك.
اعرف أكتر عن كيفية الحصول على العملاء
وأخيرًا، لازم تتحلى بالصبر وتكون خطواتك محسوبة كويس،
وتحط دايمًا خطط بديلة عشان توصل لهدفك بشكل محترف وبأقل الخسائر.
مواضيع ذات صلة :
الخطوات الاولى للإنطلاق فى عالم الفريلانس
خطوات بسيطة علشان تغير حياتك للأفضل
