لسه خايف من رزق بكره ؟
اللي في الصورة دا طائر اسمه “النعَّاب”.
سيدنا داوود -عليه السلام- كان بيدعي ويقول: “اللهم يا من يرزق النعاب في عشه ارزقني”.
النعاب هو فرخ الغراب، لما بيفقس بيض الغراب وبيطلع الفرخ،
الأب والأم بيستغربوا شكله وبينكروه لأنه بيطلع من البيضة لونه أبيض وريشه الإسود ما ظهرش،
فبيسيبوه لوحده في العش ويطيروا، وهو ضعيف جدًا مش هيقدر يأكل نفسه وممكن يهلك.
ربنا -سبحانه وتعالى- بيرسل له نوع من الدود،
الدود دا بيشم ريحة منقار النعاب وبيحبها فبيقف على منقاره،
والنعاب بياكل من الدود دا ويتغذى، وبعدها بينبت الريش الإسود للنعاب
والأب والأم بيعرفوا إن دا فرخهم ويبدأوا يعتنوا بيه ويغذوه، وبعدها يقدر يطير.
ها لسه خايف … ؟!
قال تعالي :
{وَفِي السَّمَاءِ رِزْقُكُمْ وَمَا تُوعَدُونَ * فوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ}
لسه خايف من رزق بكره ؟
