Home الانترنت “بيوديباي” 58 مليون مشترك لقناته علي اليوتيوب يحقق ما يقرب من 6...

“بيوديباي” 58 مليون مشترك لقناته علي اليوتيوب يحقق ما يقرب من 6 مليون جنيه مصري

1355
0
SHARE
بيوديباي
بيوديباي

( بيوديباي ) او زي ما مكتوب في البطاقة اسمه ( فيلكس ارفيد اولف شيلباري ) . الراجل ده بيعمل في الشهر في حدود 6 مليون جنيه مصري . ايوه الجنيه الفضة ده . كل شهر بيعمل منه 6 مليون حتة.
مش ممثل .. مش مغني .. مش وارث فلوس .. مش شغال في ناسا .. باختصار .. الراجل ده كل اللي بيعمله انه بيلعب العاب على البلايستيشن او الكمبيوتر .. اه العاب اللي هى زي ماريو و حرب امبابة و كده .
الاخ ده يعتبر عنده اكبر قناة موجودة على اليوتيوب .. حيث انه في اللحظة اللي بكلمكم فيها دي وصل لـ 58 مليون متابع مع 10 مليار مشاهدة !! عارف هو العالم في كام مليار شخص ؟ 6 و نص ..
الراجل ده متوسط الربح اللي بيطلعله من الفيديوهات اللي بيحطها على يويتبوب بيوصل لـ 9 مليون دولار في السنة !!
– اقلبهم مصري .. يعملولك 72 مليون جنيه في السنة ..
– اقسمهم على 12 يطلعلك شاكب راكب في الشهر 6 مليون جنيه مصري .. قليلين اوي يا خال
شغلة الراجل ده باختصار انه بيصحى الصبح يختار لعبة و يظبط الكاميرا و يبتدي يصور نفسه و هو بيلعب .. لحد ما يزهق .. يروح قافل اللعبة و ياخد الفيديو اللي صوره لنفسه و يرفعه على اليوتيوب .. و كل سنة و انت طيب بقى و على الموضوع ده كل يوم ! .. 😀 😀
خلى بالك .. الراجل ده بيعمل في السنة في حدود 9 مليون دولار بس اعلانات .. انا محسبتش حقوق الرعاية و العقود اللي هو ماضيها مع شركات الالعاب .. بقاله في الموضوع 5 سنين بس .. اول فيديو نزله كان في ابريل 2010 !! .

لينك قناتة علي اليوتيوب من هنا .

LEAVE A REPLY

Please enter your comment!
Please enter your name here